DalDal Prime Video release : मनोरंजन - एंटरटेनमेंट विश्वात सध्या क्राईम थ्रिलर विषयांची मोठी क्रेझ पाहायला मिळत आहे. याच पार्श्वभूमीवर प्राइम व्हिडिओने आपल्या आगामी 'दलदल' या हिंदी सीरिजचा धमाकेदार ट्रेलर प्रदर्शित केला आहे. मुंबईच्या पार्श्वभूमीवर बेतलेली ही कथा एका थरारक गुन्ह्याचा शोध घेताना दिसते.
ही सीरिज विश धामिजा यांच्या 'भेंडी बाजार' या गाजलेल्या पुस्तकावर आधारित आहे. यामध्ये अभिनेत्री भूमी पेडणेकर डीसीपी रीटा फरेरा यांच्या भूमिकेत दिसणार आहे. मुंबईत एकामागून एक अंगावर काटा आणणारे निर्घृण खून होत आहेत. या सीरियल किलरला पकडण्यासाठी रीटा फरेरा जीवाचे रान करते. मात्र, या तपासाच्या 'दलदलीत' ती स्वतः कशी अडकत जाते आणि तिला तिच्या भूतकाळातील संघर्षाचा सामना कसा करावा लागतो, याची ही रंजक कथा आहे.
दिग्दर्शन: अमृत राज गुप्ता.
निर्मिती: एबंडेंशिया एंटरटेनमेंट (विक्रम मल्होत्रा आणि सुरेश त्रिवेणी).
लेखन: श्रीकांत अग्निस्वरन, रोहन डिसूजा, प्रिया सग्गी, सुरेश त्रिवेणी आणि हुसैन हैदरी.
प्रमुख कलाकार: भूमी पेडणेकर सोबत समारा तिजोरी आणि आदित्य रावल यांच्याही महत्त्वपूर्ण भूमिका आहेत.
आपल्या भूमिकेबद्दल बोलताना भूमी पेडणेकर म्हणाली, "रीटा फरेरा साकारणे हा माझ्या कारकिर्दीतील एक समाधानकारक अनुभव आहे. ती एक महत्त्वाकांक्षी महिला आहे, जिच्यावर तिच्या भूतकाळातील संकटांचे ओझे आहे. आपल्यातील भीती आणि कमकुवतपणाशी लढा देणाऱ्या प्रत्येकाचे प्रतिनिधित्व हे पात्र करते." 'टॉयलेट: एक प्रेम कथा' नंतर विक्रम मल्होत्रा यांच्यासोबत पुन्हा काम केल्याचा आनंदही तिने व्यक्त केला.
प्रदर्शनाची तारीख: 'दलदल' ३० जानेवारी रोजी प्राइम व्हिडिओवर स्ट्रीम होणार आहे.
Leave a Comment