चंद्रपूर महापालिका निवडणूक: नामनिर्देशन प्रक्रियेला वेग, अर्ज मात्र शून्य

Chandrapur Election Nomination Process : चंद्रपूर २४ डिसेंबर २०२५ (Author प्रकाश हांडे) - चंद्रपुर महानगरपालिका सार्वत्रिक निवडणूक २०२५-२६ साठी नामनिर्देशन दाखल करण्याच्या दुसऱ्या दिवशी ४४८ नामनिर्देशन पत्रांची उचल करण्यात आली असुन एकही अर्ज दाखल करण्यात आलेला नाही. (१ लक्ष रुपयांसाठी त्याने विकल्या १२ किडन्या)

   मनपा सार्वत्रिक निवडणूकीसाठी नामनिर्देशन दाखल करण्याच्या दुसऱ्या दिवशी निवडणूक निर्णय अधिकाऱ्यांची ५ कार्यालये मिळुन एकुण २१२ इच्छूकांनी ४४८ नामनिर्देशन पत्रांची उचल केली. नामनिर्देशन पत्रे ही केवळ प्रत्यक्षरित्याच (ऑफलाईन) सादर करता येत आहेत. ३० डिसेंबर २०२५ (मंगळवार) हा नामनिर्देशन दाखल करण्याचा शेवटचा दिवस राहणार आहे.
   २३ डिसेंबर ते २९ डिसेंबर या कालावधीत सकाळी ११ ते दुपारी ३ या कालावधीत तर ३० डिसेंबर रोजी सकाळी ११ ते दुपारी २ या कालावधीत नामनिर्देशन पत्र दाखल करता येणार आहे. २५ डिसेंबर (गुरुवार) क्रिसमसच्या पर्वावर नामनिर्देशन पत्र स्वीकारण्यात येणार नाही. Chandrapur Election Nomination Process      

केंद्रनिहाय अर्जाची संख्या पुढीलप्रमाणे -
१.निवडणूक निर्णय अधिकारी क्रमांक १ - (प्रभाग क्र. १,२ व ५)  ३२ इच्छुकांद्वारे ८१ अर्जांची उचल
२.निवडणूक निर्णय अधिकारी क्रमांक २ -(प्रभाग क्र. ३,४ व ६) - ३७ इच्छुकांद्वारे ७२ अर्जांची उचल
३.निवडणूक निर्णय अधिकारी क्रमांक ३ - (प्रभाग क्र. ७,८ व ९) - २८ इच्छुकांद्वारे ६९ अर्जांची उचल
४.निवडणूक निर्णय अधिकारी क्रमांक ४ - (प्रभाग क्र. १०,११,१२ व १५) -  ६८ इच्छुकांद्वारे १३१ अर्जांची उचल
५.निवडणूक निर्णय अधिकारी क्रमांक ५ - ( प्रभाग क्र. १३,१४,१६ व १७) - ४७ इच्छुकांद्वारे ९५ अर्जांची उचल